Gazeta e përditshme sportive spanjolle “Mundo Deportivo” raporton se Cristiano Ronaldo dëshiron t’ia kthejë Topin e Artë revistës franceze “France Football”, sepse beson se Lionel Messi e meriton atë më shumë se ai. Real Madridi pësoi humbje të dhimbshme 3-0 ndaj Barcelonës në “Santiago Bernabeu” javën e kaluar, duke ngelur edhe më mbrapa rivalit të përjetshëm në La Ligën spanjolle.
Siç raporton e përditshmja spanjolle, Ronaldo u ka thënë bashkëlojtarëve pas kësaj ndeshjeje se dëshiron ta kthejë Topin e Artë, sepse nuk e meriton, përkundër faktit se ata i kanë thënë se e meriton plotësisht. Mundo Deportivo sugjeron se pasi ka kaluar kohë me familjen gjatë Krishtlindjes, Ronaldo dëshiron ta kthejë atë te France Football dhe se tashmë e ka kontaktuar shefin e FFF-së për t’ia bërë të ditur vendimin e tij.
Ronaldo i ka thënë FFF-së: “Gabova që thashë se jam lojtari më i mirë në histori, por Messi është më i miri. Dua ta kthejë Topin e Artë, s’e meritoj”. Miku i ngushtë i Ronaldos, Badr Hari, i ka bërë thirrje portugezit t’i konsiderojë opsionet, megjithatë Ronaldo është i vendosur për ta kthyer këtë trofe individual.
