Barcelona është përfshirë nga tensioni pas humbjes 2-0 me Malaga-n, që i hoqi mundësinë skuadrës së Luis Enriques për t’i marrë kreun Realit të Madridit. Në bankën e të akuzuarve janë disa lojtarë të formacionit të Enriques, të cilët nuk u shfaqën në lartësinë e duhur në transfertën andaluziane.
Mediat spanjolle kanë zbuluar se Lionel Messi i ka kërkuar llogari Luis Enriques, për formacionin titullar, pasi sipas tij, Andre Gomes, Jeremy Mathiew dhe Denis Suarez nuk mund të aktivizoheshin që nga minuta e parë.
Pikërisht, këta tre elementë janë pjesë e listës së zezë të sulmuesit argjentinas, qëndrimi i të cilit ka peshë specifike në klubin katalan.
Për Mathiew, Andre Gomes dhe Denis Suarez, Barcelona ka shpenzuar shifra të rëndësishme, por pesha e tyre në skuadër nuk ka rezultuar ajo e pritshmja.
Mbrojtësi francez në një interevistë për mediat e vendit të tij është shprehur se nuk ka kohë për të menduar për këtë çështje. 23-vjecari deklaroi se ka mundësinë të stërvitet përkrah MSN – së dhe të përmirësohet si futbollist, përkrah lojtarëve më të mirë në qarkullim./Supersport
