Eduard Selami ka dalë para pak minutash në një konferencë për shtyp, ku ka folur për herë të parë pas humbjes së thellë në zgjedhjet që u zhvilluan dje për kreun e PD-së.
Selami falendëroi të gjithë ata që morën pjesë në votime, ndërsa i cilësoi sërish zgjedhjet të pabarabarta.
Pavarësisht kësaj, ai u shpreh se do japë sërish kontributin e tij, ndërsa u bëri thirrje të gjithë demokratëve që të bashkohen për të ringritur PD-në.
FJALA E SELAMIT:
Pavarësisht nga rezultati, jam një hap përpara për ringritjen e PD-së. Më lejoni të falënderoj ata që votuan në këto zgjedhje, ata që votuan vizionin tonë për të ringritur PD-në, por gjithsesi kjo është demokracia. Ka një votim, dhe unë e respektoj. E kam telefonuar Bashën dhe e kam uruar. Ju bëj thirrje të gjithë demokratëve të bashkohemi.
Zgjedhjet ishin të pabarabarta, unë kam krijuar një platformë konkrete.
PD ka dalë më e fortë dhe unë do të vazhdoj kontributin tim që PD të kthehet në shpresë për shqiptarët./ Tirana Today
