Juristja Eni Çobani është rrëfyer si rrallë herë, pse ka hequr dorë nga padia ndaj Agron Llakaj. Muaj më parë, duke marrë shkas nga imitimi që aktori i mirënjohur i humorit i bënte juristes Eni Çobani në shown e tij, kjo e fundit vendosi ta hidhte në gjyq.
E ftuara e kësaj jave e Andi Vrapit në ‘Pop Culture’, Çobani ka rrëfyer se jo vetëm që ka hequr dorë nga padia, por edhe gëzon respekt për aktorin.
“Agroni është një artist i madh në formatin e tij. Është një humorist me një karrierë të jashtëzakonshme. Unë jam e rregulluar me këdo, i cili jep një kontribut në shoqërinë shqiptare, për mirë. Dhe mjafton që ai i bën njerëzit për të qeshur. Kështu që, bravo Agron Llakaj që bën njerëzit për të qeshur. Dhe e përshëndes!”, ka thënë ajo.
