I hoqën mikrofonin, Rama ua nxjerr “inatin” gazetarëve në konferencë live (video)

Kryeministri Edi Rama gjatë prezantimit të 12 emrave të prefektëve të rinj, në fund të fjalës së tij nuk ka nguruar pa “thumbuar”, gazetarët të cilët i drejtua pyetje. Ai në momentin që u pyet nëse kreu i SHISH-ut Visho Ajazi Lika, e kishte negociuar me të dorëheqjen, pyetja e dytë në radhë, kryeministri u përgjigj: “Kalojmë tek pyetja e tretë”.
Me sa duket edhe pyetja e tretë: “A ju shqetëson më shumë qëndrimi i Athinës zyrtare, opozitës apo Vangjel Dules” nuk i ka pëlqyer kryeministrit. “Kalojmë tek pyetja e katërt”,- ishte përgjigjja e tij. Në fund të konferencës ai iu kujtoi gazetarëve se ishin në krye të detyrës dhe s’mund të bënin pa të.  “Ju jeni në punë, nuk jeni në bojkot sepse pa mua nuk ushqeheni dot”. Ai duket se është hakmarrë për herën e fundit kur gazetaret i hoqën mikrofonin Ramës për shkak se ai po përdorte fjalë fyese.