Një çështje tradhtie ka përfunduar në gjykatë, e në fund pala akuzuese ka marrë një shumë të majme. Kjo është një histori e vërtetë, e cila ka ndodhur në Karolinën e Veriut. Një 40-vjeçar i cili kishte 12 vite i martuar me bashkëshorten e tij, tha në gjykatë se ajo prej disa kohësh e tradhtonte atë më kolegun e tij të punës, të cilin e kishte ftuar disa herë edhe në shtëpinë e tij. Këtu fillon e gjithë historia e tradhtisë.
Kevin Howard fitoi në gjykatë një nga çështjet më të përfolura këto kohë në Karolinën e Veriut.
Ai hodhi në gjyq të dashurin e gruas së tij, dhe e akuzoi atë për ndërhyrje në martesën e tyre dhe rrjedhimisht edhe prishjen e saj.
Në Karolinën e Veriut është në fuqi një ligj, i cili njihet edhe si ligji “prishësi i shtëpisë”, ku çdokush mund të hedhë në gjyq dikë që mendon se i ka prishur jetën bashkëshortore.
40-vjeçari fitoi gjyqin pasi u tregoi gjykatësve disa foto të shokut dhe nuses së tij, duke u puthur bashkë, të bëra nga një detektiv privat i punësuar nga ai.
I dashuri i gruas së tij, është i detyruar tashmë ti japë atij 750.000 dollarë si dëmshpërblim për ‘vjedhjen’ e bashkëshortes. Nëse 40-vjeçari nuk merr shumën e caktuar nga gjykata, atëherë shoku i tij do të përfundojë në burg.
