Një arritje historike është arritur për sportin e mundjes në Shqipëri, ku mundësi Eriglen Prizreni është shpallur Kampion i Ballkanit 2018 në eventin e mbajtur në Pallatin e Sportit në Tiranë.
Në kategorinë e peshave 65 kilogram, 20-vjeçari nga Durrësi ka mposhtur maqedonasin Vejseli dhe ka siguruar medaljen e Kampionit të Ballkanit.
Nëpërmjet një postimi në faqen e “Facebook”-ut, presidenti Martin Biba e ka uruar 20-vjeçarin për këtë sukses. “Urime Kampioni i Ballkanit 2018 Eriglent Prizreni! Urime Mundja Shqiptare urime Shqipëria”, shkruan presidenti i mundjes.
