Roland Dlamini, i njohur me pseudonimin “ Mamba e zezë”, është njeriu i cili ka bërë historinë duke mos e lejuar verbërinë e tij ta largonte nga ringu i arteve marciale.
Në vitin 2009, Ronald Dlamini u bë i pari kampion i zi i MMA (Mixed Martial Arts) në historinë e Afrikës së Jugut duke mbajtur në brez titull kampion të peshave të lehta.
Pastaj jeta e tij ndryshoi përgjithmonë.
Roland ishte në një ndeshje në Zelandën e Re, kur u dërgua me urgjencë në spital. Ai qëndroi në koma për 10 ditë, ku u diagnostikua me meningjit, i cili e la të verbër.
“Kur je i verbër fokusohesh ne çfarë mund të dëgjosh, nuhasësh dhe prekësh.”
Megjithatë, kjo sëmundje nuk e ndali Ronaldin për të ndjekur ëndrrat e tij. Përkundrazi, mungesa e shikimit i dha atij një vizion të ri për të ardhmen.
Sot, Ronald trajnon fillestarët, si dhe një program të vetëmbrojtjes për dëmtuarit në shikim, të bazuar në MMA.
“Dëshira ime për të ardhmen është të trajnoj më shumë njerëz, t’i inkurajoj, motivoj. Të jesh i verbër s’do të thotë të humbësh shpresën”.
