E dini se gratë në familjen mbretërore japoneze, duhet të heqin dorë nga titujt, nëse zgjedhin të martohen me qytetarë të thjeshtë? PO. Kjo është mëse e vërtetë!
Princeshë Ayako e Japonisë ka marrë vendimin për të lënë postin e saj, pasi do të martohet me një njeri jashtë familjes mbretërore. Ayako nuk është princesha e parë që zgjedh dashurinë para statusit mbretëror.
Pallati Imperial Japonez deklaroi se ajo do të martohet me një njeri të thjeshtë, Kei Moriya, këtë vjeshtë. Moriya, i cili punon në një firmë postare, u njoh me Ayokon përmes nënës së saj, Princeshë Hisako-s.
Çifti ka vendosur që të mos humbasë shumë kohë, pasi në gusht do të mbahet ceremonia tradicionale e fejesës, ndërsa dasma është planifikuar për në tetor. Pas kësaj, Princeshë Ayako do të lërë familjen mbretërore.
