Në të shumtën e rasteve media ka mundur te publikojë pamje tronditëse se si policia Bashkiake ka dhunuar me pamëshirë shitësit ambulantë.
Pamjet hera herës kanë qene tronditëse, aq sa dhe janë dënuar me të drejtë nag opinioni publik.
Kjo ka hasur një debat të nisur nga analisti dhe moderatori Dritan Hila I cili me anë të statusi në ‘Facebook’ është shprehu me shumë mllef ndaj mjeranëve që shesin nëper trotuare, sikur të kishin zgjidhje tjetër.
Statusi i Dritan Hilës
“Per katundaret qe shesin abuzive dhe policia i largon nga trotuari, nuk me vjen keq fare. Madje i lumte policisë. Ky quhet kryeqytet. Kush ka mall për katundare qe te zene trotuarin, le te shkoje ne Kandahar.
Mire pallatet nga 12 kate, rrugët e ngushta, makinat e parkuara abuzivisht, po edhe keta na duhen”.
Por nuk ndan të njëjtin mendim gazetari Bledian Koka I cili I ka kthyer një përgjigje publike Hilës nëpërmjet “Facebook”-ut.
Përgjigja e Kokës është e ashpër teksa e quan Hilën “ultra-qytetar” që ka një llogari të pambyllur me shtetin shqiptar kur punonte konsull. Dardha e babës se vet që ia damkoste shqiptarëve mishin me darë për llogari të një regjimi gjakatar, sot nuk mundet të bjerë më larg se pema e së keqes që e ka pjellë dhe që njësoj si dje edhe sot dhunon po të njëjtin popull…për bukën e gojës!,-ka vijuar më tej Koka
Reagimi i plotë i gazetarit Bledian Koka:
“Nga unë, katunari gazetar
Janë ca bij … kryemaskarenjsh e katilash të Enver Hoxhës që janë katapultuar mes gazetarësh dhe tani nën petkun opinionistit publik dhe flasin me një gjuhë përçmimi për ata që nxjerrin bukën e gojës duke shitur barin që u mbin tek shtëpia. Ky lloj që i thotë vetes qytetar, në fakt nuk ka as grimën e qytetarisë së një qepe të njomë që shet një nëne e dhunuar nga lakejt e Velenisë çdo ditë.
Të gjithë e duam rregullin, por asnjë mendje e arsyeshme nuk mund të rreshtohet me barbarizmin e paarsyeshëm që ushtrohet ndaj të pamundurve që nuk dinë ku ta përplasin kokën e që duan bukë. Ky “ultra-qytetar” që ka një llogari të hapur me ligjin në kohën kur punonte konsull i këtij shteti, sot ka guximin që të dalë në krah të dhunës së pushtetit që nuk të jep asnjë shanc të mbushësh barkun me bukë, gjoja në mbrojtje të një kryeqyteti të vrarë e të pakallur.
p.s…dardha e babës se vet që ia damkoste shqiptarëve mishin me darë për llogari të një regjimi gjakatar, sot nuk mundet të bjerë më larg se pema e së keqes që e ka pjellë dhe që njësoj si dje edhe sot dhunon njësoj po të njëjtin popull…për bukën e gojës!”
