Është Juventusi që ka arritur ti japë goditjen e parë këtë sezon Napolit dhe e bën pikërisht në “San Paolo”. Higuain kthehet si një ish dhe shënon golin e vetëm të ndeshjes, që sjell edhe humbjen e Napolit. Një ndeshje e luftuar shumë në mesfushë dhe me shumë raste për të dyja ekipet, por Juventus tregoi edhe njëherë se nuk e ka humbur ritmin e kampionatit dhe nuk mund të dalë kaq shpejt nga gara.Ndeshja zhbllokohet që në minutën e 13’, pas një kundërsulmi, ku kombinimi midis dy argjentinasve solli edhe golin. Është Dybala që asiston në mënyrë perfekte për Higuain dhe ky i fundit në një pozicion të tillë nuk mund të gabonte dhe e dërgon topin në rrjetë. Napoli hidhet në sulm dhe kërkon golin e barazimit që në pjesën e parë me Insighe dhe Mertens, por e kanë të pamundur që të depërtojnë në mbrojtjen e Juves. Pjesa e dytë është më e balancuar me një Juventus që sulmon, pasi nuk ka siguri me diferencën e një goli, por shifrat ngelën të pandryshuara deri në fundin e takimit.
Kjo ishte humbja e parë në këtë sezon për Napolin e Sarrit dhe ia shkakton pikërisht kampioni në fuqi i Italisë. Me këtë fitore Juventus merr vendin e dytë me një pikë më pak se napolitanët. Është mundësia që të përfitojë Interi nga kjo situatë, pasi një fitore do ta çonte në vendin e parë . Edhe pse Napoli u mposht mbetet përkohësisht në vendin e parë me 39 pikë, ndërsa Juventusi renditet e dyta me 38 pikë.