Gonzalo Higuain u cilësua si arma më e fortë e sulmit kuqezi në fillim të sezonit, por në realitet nuk rezultoi i tillë. Duke parë performancën e dobët dhe mungesën e golit, argjentinasi shihet sa më larg Milanit. Në rast largimi drejtuesit kuqezi do të bëjnë një operacion blic për të sjellë një sulmues tjetër, pasi Cutrone mbetet i vetmi.
Emri i ri për sulmin në listën e zbuluesve të Milanit është ai i Arno Danzhuma Grëneveld, sulmuesi holandez i Bryzhit. 21- vjeçari është një nga surprizat në kampionatin belg dhe i pyetur për ndonjë kontakt me kuqezinjtë, ai u shpreh: “Milani është një ndër ekipet më të mëdha në botë dhe si lojtar është normale të më bëhet qejfi.
Presidenti i Bryzhit e njeh mendimin tim dhe e di sa i përqendruar jam tek ekipi. Nuk e di nëse klubet po flasin, por nëse ndodh, e di që do të më informojnë”.
