Nëse ju ndiheni në siklet në vendin tuaj të punës dhe kjo ju kujton periudhën e tmerrshme që shumë gjimnazistë kalojnë, atëherë kjo nuk është një rastësi.
Një studim psikologjie thotë se e njëjta dinamikë popullarizmi që keni në adoleshencë do tju ndjekë edhe gjatë jetës si të rritur.
Ne nuk flasim shpesh për marrëdhëniet tona sociale, por sikurse në shkollën e mesme, në shumicën e vendeve të punës ekzistojnë ata që janë më të pranuarit, ata që hidhen poshtë, neglizhentët dhe kontradiktorët. Dhe pozicionet tona brenda kësaj hierarkie sociale kanë më shumë rëndësi sesa mund të kemi menduar ndonjëherë.
Pra, si bëhesh më i pëlqyeshëm?
Bazuar në studime dhe intervista është konstatuar një konkluzion. T’i bësh të tjerët të ndihen të vlefshëm, pjesë e shoqërisë dhe të lumtur. Ka mënyra të panumërta për ta bërë këtë.
Investoni në lavdërime për të tjerët, duke mësuar qëllimet e tyre dhe duke u ofruar kohë kolegëve të ndjehen të lidhur shoqërisht me njëri-tjetrin, përtej profesionit të përbashkët. Një lider shpërndan me kënaqësi, duke përdorur fuqinë e pohimit si një mënyrë për të motivuar të tjerët. Por një lider i pëlqyeshëm shpreh interes në raportet me njerëzit duke rritur vlerësuar besnikërinë dhe këmbënguljen për të pasur sukses.
Nëpër takime, jini të fundit që flisni dhe reflektoni se çfarë kanë kontribuar të tjerët para se të ofroni idetë tuaja. Thjesht duke i bërë të ditur të tjerëve se janë dëgjuar dhe që komentet e tyre ndikojnë në mendimin tuaj, i bën ata të ndihen të vlefshëm. Idetë e shprehura në fund të një takimi, kanë më shumë gjasa të aprovohen sesa sugjerimet e bëra në fillim të diskutimit, sepse ato konsiderohen si rezultat i një bashkëpunimi dhe jo të dominancës.
Njerëzit shpesh thonë se personi që pëlqejnë më shumë është ai që i bën të qeshnin dhe sjell kënaqësi në jetën e tyre të përditshme. Përpiquni të mbani mend hollësi për çdo bashkëpunëtor, dhe kërkoni prej tyre kohë pas kohe. Asgjë nuk na bën të ndihemi më mirë se kur dikush merr kohë për të pyetur për jetën tonë dhe na pyet se si ndihemi. Ky veprim i thjeshtë dhe i sinqertë është jashtëzakonisht i fuqishëm për të fituar besim, për të ndërtuar miqësi dhe për të ndihmuar të tjerët që të ndihen si anëtarë të rëndësishëm të grupit tuaj.
(TIRANA TODAY)
