Shkaku i shpërthimit në Velipojë u mendua se ishte rrjedhja e një bombole gazi, por Inspektoriati Shtetëror Teknik dhe Industrial (ISHTI) ka hedhur poshtë këtë version.
Sipas ekspertëve, shpërthimi i fuqishëm ndodhi për shkak të një cisterne 1 mijë litërshe me gaz, e cila ndodhej në bodrum.
Mësohet se gazi i kësaj depozite ka rrjedhur, duke shkaktuar shpërthimin e fuqishëm, si pasojë e të cilit kanë mbetur të plagosur rëndë 3 persona, 2 prej tyre babë e bir.
Gjithashtu, janë lënduar edhe rreth 20 persona të tjerë.
NJOFTIMI I POLICISË:
Në plazhin Velipojë te Kompleksi Fishta rreth orës 10:00 kemi marrë njoftim se ka rënë zjarr në një lokal.
Nga informacionet paraprake informohemi se janë tre shtetas të lënduar, ndër to edhe pronari lokalit shtetasi B. Z. 55 vjeç në gjendje të rëndë për jetën i cili po dërgohet drejt Spitalit të Traumës për ndihmë mjeksore më të specializuar.
Si dhe shtetasi Hektor Zenunaj dhe shtetesja S. S. 19 vjeçe, të cilët po dergohen për në Spitalin Rajonal Shkodër janë jashtë rreziku për jetën.
Menjëherë në vendgjarje kanë shkuar forcat e FNSH, MNZ dhe shërbimet e policisë, dhe emergjencat civile, të bejnë të mundur edhe evakuimin e banorëve.
