Një tjetër hap hidhet drejt bursës shqiptare. Qeveria ka miratuar së fundmi strategjinë 5-vjeçare për zhvillimin e tregjeve të kapitalit.
Në këtë dokument parashikohet listimi i afërt në bursë i korporatatave me kapital shtetëror si Korporata Elektroenergjitike dhe të tjera, por edhe i kompanive private. Ndërkohë, Autoriteti i Mbikëqyrjes Financiare miratoi pak ditë më parë prospektin e shoqërie tregtare për emetimin e obligacioneve me ofertë publike në vend që mund të shesë tituj borxhi, raporton abcnews.
Kjo është hera e parë që titujt e një shoqërie private i ofrohen publikut të gjerë, duke i dhënë shtysë zhvillimit të këtyre tregjeve dhe duke ofruar më shumë mundësi të reja financimi, krahas kreditimit nga sektori banker.
Titujt e emetuar përmes ofertës drejtuar publikut duhet të listohen në bursë dhe investitorët e interesuar do të kenë mundësinë e tregtimit në çdo kohë të këtij obligacioni varësisht nevojave të tyre për likuiditet. Deri më tani, tregu i kapitaleve krahas titujve të qeverisë ka qenë i fokusuar te emetimet e obligacioneve me ofertë private, instrument që është përdorur nga shoqëritë për të gjeneruar likuiditet.
