Ai njihet si shpëtimtari i bavarezëve, njeriu që u dhuroi trofetë më të rëndësishëm dhe më pas u largua. Kur klubi ishte në një gjendje të dobët dhe kishte nevojë për dikë që ta kthente në nivele të larta dhe ai është Jupp Heynckes. Ai u rikthye këtë sezon për të kthyer identitetin e ekipit, pasi u mposht nga PSG dhe u shkarkuar Carlos Ancelotti. Dora e tij u ndje menjëherë dhe rezultatet nuk kanë nevojë për koment, pasi Bayerni ka marrë kryesimin i vetëm.
Tani një çështje tjetër është në tavolinë dhe që po diskutohet shumë gjatë. Do të jetë më Heynckes pas përfundimit të sezonit? Ai ka konfirmuar se do të largohet në fund të këtij sezoni pavarësisht kërkesave të mëdha për të qëndruar edhe më tej.
“Nuk ka asgjë për të shtuar këtu. Është e kotë çdo kërkesë. Por duhet ta vendosim çështjen në një anë dhe të përqendrohemi në futboll”, ka thënë Heynckes.
