Shqiptarët i kushtojnë shumë pak vëmendje origjinës dhe cilësisë së produkteve ushqimore që konsumojnë. Produktet bazike si qumështi që përdoret pasivisht për fëmijët duhet të kenë dyfish kontrolle. Prodhuesit shqiptarë kërkojnë mbështetjen e shtetit për zbatimin e marrëveshjeve për tregtinë e lirë nga shtet fqinje dhe hulumtimin e mënyrës sesi vijnë në tregun vendas produktet e importit. Për këtë arsye është nisur një hetim i qumështit të pasterizuar, UHT të importit nga qeveria shqiptare vjen si një përgjigje kryesisht për importin e këtij produkti nga Maqedonia, pasi fqinji ynë bllokoi eksportin e qumështit shqiptar.
Sekretari i përgjithshëm i Bashkimit të Prodhuesve Shqiptarë Arben Shkodra tha se ky vendim vjen pasi fqinji ynë Maqedonia bllokoi eksportin e qumështit shqiptar.
“Maqedonia ndoshta me të padrejtë, ndoshta me të drejtë këtë duhet ta tregojë procesi ka bllokuar eksportin e qumështit shqiptar, me një arsyetim që për mua nuk qëndron tek produkti dhe as tek teknologjia dhe as tek prodhuesi, por qëndron në sistemin tonë të përgjithshëm të gjurmueshmërisë, të parandalimit të sëmundjeve e me radhë”, thekson Arben Shkodra.
Prej kohësh prodhuesit kanë ngritur shqetësimin se përmes procedurave favorizohet hyrja e produkteve të importi dhe kërkojnë të hulumtohet mënyra sesi vijnë për tregun shqiptar mallrat e importit dhe zbatimi i marrëveshjeve të tregtisë së lire.
Mes dy shteteve kanë nisur negociatat, ndërsa sipas ligjit antidumping, pas marrjes së vendimit, procedurat e hetimore fillojnë pas 200 ditësh. (Ora News)
