Të tjera detaje kanë dalë lidhur me hetimet e SPAK për koncesionin e sterilizimit, ku ra në pranga ra biznesmeni Ilir Rrapaj nën dyshimet për mashtrim, i cili kishte njohje dhe miqësi me ish-ministrin e shëndetësisë Ilir Beqaj dhe ish-zv.ministrin Klodian Rjepaj, po ashtu i arrestuar.
Sipas burimeve, bëhet me dije se Rrapaj dhe Rjepaj kishin njohje me njëri-tjetrin që më herët, pa u përfshirë në këtë ‘skemë’.
Sipas burimeve të SPAK, bëhet me dije se të dy këta persona përfunduan studimet bashkë në fakultetin e mjekësisë në vitet 1991-1994, ku ishte edhe shtetasi A.Ll, drejtor në kompaninë koncesionare saniservice.
Njohjen mes Rrapaj dhe Rjepaj e konfirmoi bashkëstudentja D.N.
Gjithashtu mësohet se Rrapaj, Ilir Beqaj dhe Rjepaj hynë në Shqipëri me datë 15.06.2014, periudhë e cila përkon me kohën përgatitore të koncesionarit.
Nga kqyrja e faqes së ministrisë rezulton se më datë 15 qershor 2014 është bërë postim nga takimet e kryera nga Ministri i Shëndetësisë Beqaj dhe Ilir Rrapajn.
Rjepaj, Rrapaj dhe Ombro Staccini kanë dalje nga Shqiperia nga Rinasi me datë 13 prill 2016.
