Pas lajmit të bujshëm se Trump ka pranuar të takojë Kim Jong-un, tashmë në Korenë e Veriut ka rënë heshtja. Koreja e Jugut thotë se nuk ka marrë ende një përgjigje nga Peniani lidhur me takimin që Trump pranoi të merrte pjesë.
Zyrtarët e Koresë së Jugut deklaruan se Kim ishte gati të hiqte dorë nga armët bërthamore. Detajet për bisedimet e planifikuara mbeten ende të paqarta, pa asnjë marrëveshje mbi vendndodhjen apo agjendën.
Ndërkohë, analistët janë skeptikë rreth asaj që mund të arrihet përmes bisedimeve duke pasur parasysh kompleksitetin e çështjeve të përfshira.
“Ne nuk kemi parë apo marrë një përgjigje zyrtare nga regjimi i Koresë së Veriut në lidhje me samitin që do mbahet mes saj dhe SHBA-ve. Mendoj se ata po i afrohen kësaj cështjeje me kujdes dhe se kanë nevojë për kohë për të organizuar qëndrimin e tyre”, tha një zëdhënës i Ministrisë së Bashkimit të Koresë së Jugut të hënën.
Propozimi surprizues për një samit të përbashkët vjen pas më shumë se një viti retorike urryese mes Koresë së Veriut dhe SHBA-ve. TIRANA TODAY
