Një sulm terrorist nga ekstremistët islamikë të al Shabaab u bë pak ditë më parë në një kompleks luksoz në Kenia. Numri i viktimave të konfirmuara deri tani është 21, por dyshohet se ky numër mund të rritet. Ishin 5 njerëz të armatosur që organizuan sulmin terrorist dhe që mbajtën peng godinën dhe sisa punonjës për rreth 20 orë.
Të pranishëm në kompleks ishin rreth 700 persona, por që janë shpëtuar falë heroizmit të një ushtari të vetëm, që ishte pjesë e forcave britanike të SAS. Ushtari i Forcave Speciale ishte jashtë shërbimi dhe kjo kuptohet qartë pasi ishte i veshur me xhinse dhe një këmishë të purpurt, mbi të cilat mbante pajisjet luftarake.
Fytyra e tij e fshehur nën maskë. Ushtari i paidentifikuar përdori një pushkë të modifikuar të Kanadasë dhe pistoletë Glock 9mm si dhe një thikë për luftimin trup më trup. Ai kishte qenë jashtë për pazar në qytet kur dëgjoi për sulmin dhe kishte marrë menjëherë pajisjet e tij të cilat i mbante pas në makinë për të ndërhyrë.
Britaniku ka ‘organizuar të gjithë operacionin’ e shpëtimit, dhe të pranishmit shprehen se veprat e tij kanë shpëtuar shumë jetë dhe ai u përshëndet për trimërinë e tij. Kamerat kanë fokusuar momentin kur ai është futur në hotelin luksoz dhe ka shkëmbyer zjarr me terroristët. Veprii i tij ka shpëtuar jetën e shumë njerëzve të cilët ishin bllokuar brenda.
Sulmi terrorist i së martës është organizuar nga pesë njerëz të armatosur që vranë 21 vetë, duke përfshirë edhe ekzekutivin britanik të bamirësisë Luke Potter dhe biznesmenin amerikan 41-vjeçar Jason Spindler, pasi shpërthyen makinat bombë jashtë hotelit.
Më shumë se 700 vetë u evakuuan nga kompleksi gjatë rrethimit 20-orësh, megjithatë rreth 50 vetë që besohet të kenë qenë në ndërtesë në kohën e sulmit nuk janë gjetur ende, sipas Kryqit të Kuq të Kenias.
Ushtari britanik i SAS thuhet se ishte në Nairobi për të trajnuar Forcat Speciale Keniane, kur një thirrje për ndihmë u bë nga forcat lokale.
“Ai ishte atje për trajnimi e forcave keniane, kur u dëgjua shpërthimi ai ka ndërhyrë,” tha një i brendshëm për The Sun.
Forcat speciale britanike gjithmonë drejtohen drejt vendeve ku ka shkëmbim zjarri. Ai gjuajti me raunde gjatë operacionit. Është një bast i sigurt që ai e goditi objektivin e tij, SAS nuk gabon.
“Ai është prej kohësh anëtar i shërbimit të Regjimentit, nuk ka dyshim se veprat e tij shpëtuan jetën”. Duke zbuluar më shumë për aksionet e guximshme të ushtarit, veterani i SAS, Chris Ryan, i cili shërbeu në regjimentin e elitës për 10 vjet, i tha Mirror se ushtari ‘ishte jashtë për të bërë pazar’, kur dëgjoi për sulmin në hotel.
Ai tha: ‘Ai kishte pajisjet e tij në veturë kështu që kur filloi e gjitha, ai u armatos dhe u drejtua menjëherë në vendin ku ndodhi shpërthimi. Kur mbërriti në hotel, ai filloi të organizonte gjithë operacionin, duke drejtuar policinë dhe ushtrinë.”
“Pastaj ai hyri atje për të neutralizuar armikun dhe për të shpëtuar pengjet. Veprimet e tij me siguri shpëtuan shumë jetë dhe tregojnë mënyrën e këtyre njerëzve, të cilët janë jashtëzakonisht të guximshëm dhe gjithmonë të gatshëm “.
Ministria e Mbrojtjes nuk pranoi të komentonte mbi raportin, kur u kontaktua nga MailOnline. Presidenti Kenyatta tha se 21 civilë janë konfirmuar të vdekur dhe më shumë se 700 njerëz janë evakuuar gjatë sulmit. TIRANA TODAY
Sulm terrorist në një hotel luksoz, nuk dihet numri i viktimave (Foto+Video)
