I dërguari i posaçëm i Bashkimit Evropian për dialogun Kosovë-Serbi, Miroslav Lajçak, është pyetur ditën e sotme në forumin Globsec 2021 që po zhvillohet në Sllovaki, për çështjen e liberalizimit të vizave me Kosovën, një proces që ka ngecur prej disa vitesh.
Sipas gazetarit që i bëri pyetjen Lajçakut, liderët e Ballkanit Perëndimor duhet t’i besojnë BE-së për liberalizimin e vizave për Kosovën, teksa ajo nuk po i mban premtimet e tyre.
“E pyeta Lajçakun se pse liderët e Ballkanit Perëndimor duhet t’iu besojnë premtimeve të BE-së, përderisa BE-ja ka dështuar që të liberalizojë vizat për Kosovën dhe të nisë bisedimet për pranimin e Maqedonisë së Veriut” tha në Forumin Ballkanik, gazetari dhe aktivisti, Samir Behariç.
Lajçak është shprehur se është bërë trend që BE-ja të kritikohet, por Kosova fillimisht duhet të kërkojë pajtim me shtetet e tjera, që po po e pengojnë lëvizjen e saj.
“Nëse nuk i besoni BE-së, shkoni diku tjetër. Është bërë trend që të kritikohet BE-ja për liberalizimin e vizave, por se liderët e Kosovës duhet të shkojnë të kërkojnë pajtim në shtetet që po e bllokojnë lirinë e lëvizjes”, tha Lajçak.
I asked @MiroslavLajcak why should the #WesternBalkan leaders trust the EU promises, taking into account the EU failed to deliver visa liberalisation to #Kosovo and accession talks with #NorthMacedonia.
His reply was abhorrent: “If you don’t trust the EU, go somewhere else.” 1/ pic.twitter.com/DKIPpnmwEP
— Samir Beharić (@SamBeharic) June 16, 2021
