Anglia u kualifikua për ë çerekfinalet e Kupës së Botës pasi eliminoi Kolumbinë pas 120 minutave dhe ekzekutimit të penalltive. Anglezët janë kritikuar shumë për atë që treguan në fushë dhe gjestet e shumta të pahijshme që bënë për të vonuar lojën. I ashpër me ta është treguar edhe Jose Mourinho, i cili nuk është kursyer për Henderson dhe Maguire.
“Për mua ka qenë shumë negative sjellja e futbollistëve të Anglisë. Të gjithë po merren me Neymar, por nuk ishin të paktë lojtarët e Anglisë që bënë teatër,” – tha Mourinho për “Daily Mirror.
U habita shumë kur një nga djemtë më korrekt që njoh në Premier League, Harry Maguire, u hodh sikur të ishte goditur me plumb dhe kërkoi që gjyqtari të shihte VAR, për një kontakt që thuajse nuk ekzistonte. Uroj Anglinë për kualifikimin, por kishte një njollë negative në ndeshje, sjellja e lojtarëve të caktuar të kësaj skuadre në lojën na top. Henderson njihet si një burrë i vërtetë në Angli, por edhe ai bëri një skenë që më la një shije të hidhur”, përfundon Moutinho.
