Kryeministrja serbe, Ana Bërnabiq, duke komentuar ndërprerjen e numërimit të votave nga Serbia pasi zarfat shkaktuan alergji, ka thënë se kjo është “përpjekje që të fusin në qeverinë e re të Prishtinës serbët e tyre ”.
“Kam frikë se nuk i intereson sesi votuan serbët, dhe serbët që do të hynin në atë qeveri nuk u interesojnë. Bëhet fjalë për njerëzit të cilët kur deshën ta bënin ushtrinë e Kosovës, shkelën direkt Kushtetutën e tyre”, tha ajo për Tv Pink.
Nëntë persona, të gjitha këto femra, dy prej tyre shtatzënë, nga 26 që kanë kërkuar ndihmë mjekësore, janë shtruar në Qendrën Klinike Universitare të Kosovës, pasi kanë pasur alergji në fytyrë dhe në duar si pasojë e kontaktit me zarfat me vota të ardhura nga Serbia për zgjedhjet e përgjithshme të 6 tetorit. Gjendja shëndetësore e tyre, sipas mjekëve, raportohet të jetë e qëndrueshme.
Ende nuk dihet se për çfarë reaksioni alergjik bëhet fjalë.
