Në Madrid vetëm pak ditë më parë u premtuan blerje të mëdha, por duket se do të mbeten vetëm fjalë. Ishte Hazard në qendër të projektit të Realit, por tani gjithçka ka ndryshuar. Ka qenë trajneri Julen Lopetegui i cili u ka kërkuar drejtuesve që të mos shpenzojnë 200 milionë euro për belgun.
E përditshmja AS raporton se ky vendim ka ardhur pasi është Isco ai që ka bindur trajnerin dhe do të jetë ai në qendër të projektit. Lopetegui i njeh mjaft mirë cilësitë e Iscos, pasi e ka trajnuar atë tek kombëtarja e Spanjës ku Isco ka zhvilluar një ndeshje mjaft të mirë.
Kampioni i Evropës, Real Madrid duket se nuk do të bëjë një transferim “gataktik” këtë verë dhe nga krahët do ti besojë yllit të ri Marco Asensio, i cili ka zhvilluar një sezon fantastik nën urdhrat e Zidane. Isco konsiderohet një ndër yjet më të nënvlerësuar të Realit, pasi asnjëherë nuk e fitoi vendin e titullarit.
