Liverpool dhe Chelsea do të përballen për herë të dytë brenda kësaj jave dhe në të parën ishin Blutë e Londrës që festuan. Në ndeshjen që ishte e vlefshme për Carabao Cup, të besuarit e Sarrit eliminuan “The Reds”.
Fitorja padyshim erdhi pas një performace fantastike të Hazard, e konkretizuar nga një gol fantastik ku dribloi pothuajse gjysmën e skuadrës. Klopp ka thënë se Liverpool duhet të luaj më ndryshe të shtunën dhe të ketë kujdes të veçantë ndaj belgut. Për Hazard, ai ka një planë se si ta bëjë më pak të rrezikshëm.
“T’i ndalim pasimet drejt tij? Ide e mirë. T’i qëndrojmë më afër? Ide e mirë. Por, nganjëherë ai ka dëshirë ti qëndrosh afër. E di se sa i mirë është ai. I preferon situatat një kundër një. Nuk më duhej goli i fundit për ta kuptuar këtë“ ka thënë Klopp.
Megjithatë ai është shprehur se asnjë lojtarë nuk është i pandalshëm dhe Liverpool do të bëjnë më mirë në fundjavë, në pozicionimet pa top.
