Eden Hazard është një ndër kandidatët për të fituar topin e “Artë 2017”, pasi është në listën e 30 kandidatëve. Por belgu shprehet se nuk ka shanse që ta ngrejë atë trofe, pasi ka lojtarë shumë më të mirë se ai që kanë fituar shumë këtë vit. Ai shprehet i lumtur që ndodhet në këtë listë dhe është meritë e gjithë ekipit të Chelsea që ndodhet aty. Favoriti kryesorë për të fituar këtë trofe është Ronaldo pasi ai ka ngritur shumë trofe dhe e meriton për atë çfarë ka dhënë në fushë.
Megjithatë ai pranon se ka shumë të tjerë që janë përpara tij në këtë garë: “Nuk kam asnjë shans të fitoj këtë trofe. Mendoj se ka shumë lojtarë të tjerë më të mirë se unë, megjithatë jam i lumtur që jam një nga 30 emrat. E di që ndodhem në këtë listë, sepse jam një lojtar i Chelsea-t. Luaj më lojtarë të mëdhenj të kësaj skuadre të cilët më ndihmojnë çdo javë të bëj më të mirën. Nuk e di nëse në të ardhmen do ta kem shansin të fitoj “Topin e Artë”, por ky nuk është objektivi im. Synimi im është të luaj dhe ta shijoj futbollin”, u shpreh lojtari i Bluve të Londrës.
https://www.youtube.com/watch?v=GWhVkFTe_BY&ab_channel=JavierNathaniel
Kujtojmë se nga vitit 2008 trofeu më prestigjoz individual është fituar vetëm nga Lionel Messi dhe Cristiano Ronaldo. “Pleshti” numëron 5 “Tota të Artë” në arkivin e tij, ndërsa CR7-a që është edhe fituesi i edicionit të kaluar pritet të barazojë argjentinasin duke marrë trofeun e radhës.
“Ke shanse për “Topin e Artë” nëse fiton gjithçka. Mendoj se këtë vit, Ronaldo e meriton, sepse fitoi Europianin me Portugalinë, Champions League-n dhe La Liga-n me Real Madrid-in. Për ta fituar këtë trofe duhet të kesh arritur gjithçka. Kaq e thjeshtë!”, përfundoi belgu.
