Komente dhe debate kanë shpërthyer në mediat sociale greke, pasi një nxënës shqiptar gjatë ceremonisë së hapjes së një shkolle të mesme shqiptare në Kretë kishte veshur një bluzë me hartën e “Shqipërisë së Madhe”. Kjo fotografi ka shkaktuar komete të nxehta në rrjete sociale, pasi në hartë shikohen të jenë të përfshira dhe trojet e Greqisë së sotme.
Sipas faqes së internetit FlashNews.gr të Kretës shkolla u përurua në fshatin Paleochora me pjesëmarrjen e një zyrtari nga ambasada e Shqipërisë.
Ai vlerësoi iniciativën e autoriteteve greke dhe tha se ai ishte krenar për fëmijët shqiptarë, që tani mund të mësonin gjuhën e tyre amtare në mënyrë korrekte.
Megjithatë, harta e “Shqipërisë së Madhe’, në bluzën e një nxënësi nxiti reagime në radhë të përdorueseve të e mediave sociale në Greqi.
Harta përfshinte dhe territorin grek të Epirit. T-shirt gjithashtu mbante sloganin nacionalist shqiptar “Autoktones”.
Greqia ka një pakicë të konsiderueshme në gjuhën shqipe. Megjithëse Athina dhe Tirana kanë qenë teknikisht në luftë që nga Lufta e Dytë Botërore, bisedimet e fundit midis liderëve të dy vendeve janë përpjekur që të zgjidhin mosmarrëveshjet e pazgjidhura. TIRANA TODAY
