Aktori mjaft i dashur për publikun shqiptar, Julian Deda, sot u bë pjesë e emisionit “KafeIN”, ku zbuloi disa detaje për “Apartamentin 2XL”, i cili shumë shpejt do të marrë një emër të ri.
Aktori shuajti kureshtjen për kalimin e “Apartamentit 2XL”, në televizionin “Klan”, ku citoi se kasti i aktorëve dhe stili i programit nuk do të ndryshojë, me përjashtim të emrit i cili nuk do të jetë më i njëjtë.
Sipas Julit, largimi i tij nga “Vizion Plus” ishte shumë paqësore dhe pa probleme, e ndërsa tashmë ai do të kthehet në “Klan” pas 9 vitesh. Sipas tij, emri i emisionit do të ndryshojë, për shkak të një riformatimi.
