Kryeministri i Kosovës, Ramush Haradinaj ka deklaruar sërish se taksa 100% për produktet nga Serbia dhe Bosnja e Hercegovina nuk do të hiqet deri në njohjen e Kosovës nga Serbia.
Po ashtu, Haradinaj ka komentuar edhe ultimatumet e dhëna nga SHBA lidhur me këtë taksë, teksa tha:
“Është mirë me qenë të sinqertë me Amerikën dhe Evropën. Kur e kemi pasë për vete e ju tutshim Speciales jemi mundu me e rrëzu. S’na nijke që amerikanët thoshin po na ngulni thikë pas shpine. Kur e kemi tani me nxjerrë njohjen, po thonë jo se e prishim partneritetin me SHBA-të”, theksoi Haradinaj.
Haradinaj gjithashtu tha se në këmbim të njohjes së Kosovës nga Serbia janë kërkuar toka në veri të Kosovës:
“Nuk ua jap tregun më Serbisë pa e marrë njohjen. Kjo nuk është kundër Amerikës, veç duhet t’ua shpjegojmë. Duam njohjen. Nuk japim tokë as nuk tolerojmë ‘Republika Srpska’ brenda Kosovës, por ua kthejmë tregun për njohje”.
Këto komente Kryeministri i bëri në akademinë përkujtimore në 22-vjetorin e rënies së heronjve të kombit, Zahir Pajaziti, Edmond Hoxha dhe Hakif Zejnullahu.
