Në një deklaratë të dhënë për mediat, kryeministri i Kosovës, Ramush Haradinaj, është shprehur i bindur se nuk ka ndërmend që të tërhiqet nga tatimi me 100% për mallrat serbe. Ai i mëshoi fort faktit se taksa nuk do të hiqet kurrë, nëse Serbia nuk njeh pavarësinë e Kosovës.
“Sot e heqim nëse ka marrëveshje për njohje, por edhe mund të mos e heqim asnjëherë derisa Serbia s’është e gatshme të na njohë”. Pavarësisht se kundër taksës janë edhe Shtetet e Bashkuara dhe vendet perëndimore, Haradinaj nuk sheh asnjë problem në këtë pikë.
“Kjo s’ka të bëjë me Amerikën, por ka të bëjë me Rusinë e me Serbinë. Jemi në kufi me Serbinë e me Rusinë. Se cila është fytyra e Serbisë, e shihni nesër me Putinin në Beograd”.
