Kreu i Aleancës për Ardhmërinë e Kosovës dhe kandidati për President, Ramush Haradinaj ka thënë se do të bëjë referendum për bashkim me Shqipërinë nëse Kosova nuk do të antarësohet në NATO.
I ftuar në ”Euronews”, Haradinaj u shpreh se do të krijohet një momentum i ri. Ai gjithashtu tha se është koha që Kosova të njohet si shtet dhe të gjeendet një zgjidhje për konfliktin me Serbinë.
“Nëse Kosova nuk është në dyer të NATO-s, të na bashkohen të gjithë për referendum, për union me Shqipërinë. Të krijojmë një momentum të ri, të jetojmë më të konsoliduar si në planin e jashtëm dhe të brendshëm. Tash është koha për njohje. Që të kemi një zgjidhje në raportet Kosovë Serbi në kufijtë ekzistues”, tha Haradinaj.
