“Lugina e Preshevës, ose Kosova Lindore, do të jetë prioriteti i qeverisë sime të ardhshme, po aq sa edhe veriu i Kosovës”. Kjo është deklarata e radhës e kandidatit për kryeministër i koalicionit PDK , AAK, Nisma, Ramush Haradinaj, në një intervistë për Agjencinë e Lajmeve “Presheva Jonë”.
“Nuk ka logjikë që shteti ynë i Kosovës sot mos ta kuptojë drejt popullin e Luginës së Preshevës, këtë pjesë të Kosovës, të cilën nuk e quaj rastësisht Kosovë Lindore”, theksoi Haradinaj.
Ai shprehet se shqiptarëve të Luginës së Preshevës u duhet dhuruar pasaporta e Kosovës.
“‘Shqiptarët e Lugines së Preshevës e meritojnë të kenë pasaportat e Kosovës, pasi shteti i Kosovës është rezultat edhe i qyetarëve të kësaj lugine, të cilët dhanë jetën për lirinë e Kosovës. Ne do të kujdeseimi më shumë për ta, e jo ti harrojmë siç ka bërë deri tani kjo qeveri”, nënvizoi ai.
Fushata e Haradinajt për zgjedhjet e 11 qershorit, natyrshëm është karakterizuar nga nota të larta patriotizmi e përgjegjësie të lartë kombëtare, çka nuk ka tingëlluar mirë në veshët e Beogradit.
