Kryeministri i Kosovës, Ramush Haradinaj ka lënë të hapur mundësinë e rrëzimit të çështjes së Demarkacionit me Malin e Zi.
I ftuar në emisionin “Jeta në Kosovë”, Haradinaj tha se çështja e demarkacionit është deleguar në parlament, por nëse ligjvënësit e rrëzojnë, do të gjendet një zgjidhje tjetër.
“Unë ia kam mundësuar parlamentit që të marrë vendimin. Sa më shpejt që vendos parlamenti, nëse e rrëzon në rastin konkret, gjendet zgjidhja menjëherë, duhet të gjejmë një opsion tjetër”, tha ai.
Kryeministri tha se kjo nuk i rrezikon marrëdhëniet me Malin e Zi, teksa siç u shpreh ai, edhe miqve ndonjëherë u thua jo.
