Kryeministri i Kosovës, Ramush Haradinaj, ka zgjedhur që ditëlindjen e të birit ta festojë pikërisht në zyrën e qeverisë.
Ndryshe nga ditët e tjera, kjo ka qenë një datë e shënuar teksa djali i tij ka festuar ditëlindjen. Për këtë, Haradinaj është kujdesur që djali i tij Trimi së bashku me shokët të argëtohen në zyrën e tij.
“Çaste të hareshme me shokët e shoqet e Trimit për ditëlindjen e tij. Secila ditë e jona i dedikohet ardhmërisë së sigurtë dhe të begatë të të gjithë fëmijëve të Kosovës. Të bekuar qofshi. E ti Trimi im, guxo në jetë!”, shkruan Haradinaj teksa publikon foto nga festa e ditëlindjes së të birit.
