Deklasifikohen 600 mijë dokumente nga fondet personale të Enver Hoxhës, Hysni Kapos apo ish-arkivit të Partisë së Punës. Drejtoria e Arkivave të Shtetit ka bërë publike ditarët e punës së diktatorit Hoxha, si edhe shumë vendime të gjykatave të asaj kohe, që deri tani ishin mbajtur sekret.
Për ata që janë të interesuar, pjesë nga ditari i tij i punës nga sot janë publike për çdo studiues, historian apo të interesuar.
Në këtë proces deklasifikimi janë përfshirë edhe shënimet e Hysni Kapos, por edhe vendimet e gjykatave për të dënuar imoralë.
Zëdhënësja e Drejtorisë së Arkivave, Elsa Saka, ka konfirmuar se; “Ka përfunduar tërësisht klasifikimi i dosjeve të cilësuara si sekrete deri më sot”.
