Janë rreth 780 pronarë, toka e të cilëve është zënë nga ndërtimet pa leje, që kanë mundësi të kompensohen.
Sot ka dalë lista e plotë e përfituesve të shpërndarë në 8 qarqe të vendit, përkatësisht në Elbasan, Korçë, Lezhë, Shkodër, Vlorë, Durrës dhe Kukës. Në njoftimin e Agjencisë së Trajtimit të Pronave thuhet se pranimi i kërkesave do të nisë duke filluar nga data 2 maj dhe nuk do të jetë i kufizuar në afat.
Ndërsa fondi i vënë në dispozicion nga ALUIZNI për kompensimin e tyre kap vlerën e 489 milionë lekëve.
“Agjencia e Trajtimit të Pronave njofton fillimin e procesit të pranimit të kërkesave për shpërndarjen e kësteve për kompensimin e pronarëve të pasurive të paluajtshme, pronë private, që preken nga ndërtimet informale, emrat e të cilëve janë miratuar me vendimin Nr.230, datë 21.03.2017, “Për kompensimin financiar të pronarëve të pasurive të paluajtshme, që preken nga ndërtimet informale”, thuhet në njoftim.
