Lewis do të jetë i pari në garën zyrtare në Sepang! Anglezi Lewis Hamilton ka shënuar një ditë rekordesh me 70 pol position në karrierë dhe ka barazuar rekodin e Michael Shumacher me 5 pol position ne Pistën e Malajzisë, duke shfrytëzuar edhe situatën e rivalit Sebastian Vettel, i cili për shkak të problemeve mekanike do të niset nga linja i fundit. Në këtë mënyrë numri 44 ka një mundësi të artë për të hedhur një tjeter hap drejt titullit kampion. Parashikohej në fakt të ishte një e dielë e kuqe ajo e Garës së Cmimit të Madh të Malajzisë, ndërkohë që duket se është ngjyrosur në të argjendë. Hamilton ka lënë pas të gjitha vështirësitë, ashtu si Kimi Raikonen i cili u rendit i dyti, e po përjeton një periudhë optimale duke shënuar edhe një tjetër sukses atë të kohës më të shpejtë në pistë. U shfaq si një kampion i vërtetë në këtë sesion të provave të lira duke e bërë Mercedesin e tij të fluturonte, kundër çdo parashikimi. Gjithsesi, do të kishte qenë më bukur nëse do ishte një garë e luftuar me Vettel , rolin e të cilit për t’i vështirësuar gjërat Hamilton e mori më pas Raikonen. Finlandezi provoi por u ndal nga anglezi. Tanimë dy njëvendësheve të Ferrarit do t’i duhet një forcë madhore për t’u rifutur në garën për titullin e Botërorit. Gjithsesi, skuadra nga Maranello beson se me makinën e shpejtë që kanë në dispozicion kanë një faktor shumë të rëndësishëm që mund t’u japë shtysën që aq shumë ju nevojitet në këtë moment.
Verstappen, dhe Ricciardo do të qëndrojnë një hap pas Hamilton dhe Raikonen dhe me një asfalt të lagur mund të kenë shumë mundësi të mira. I pesti pozicionohet Bottas me Mercedes në krah të të cilit qëndron Ocon me Force India. Prezantim shumë i mirë i Vandoorne që e pozicionoi McLaren në vendin e shtatë me Alonson që u rendit vetëm i dhjeti. Gjithsesi, nesër pritet të jetë një garë emocionuese pasi tashmë Vettel nuk ka asgjë për të humbur dhe do të tentojë parakalime të njëpasnjëshme.
