Lewis Hamilton ka dominuar në Çmimin e Madh të Singaporit dhe tashmë ka hedhur një hap të rëndësishëm për tu rikonfirmuar kampion në Botërorin e Formula 1. Me triumfin në pistën e “Marina Bay” piloti anglez e ka çuar në +40 diferencën e pikëve ndaj rivalit të Ferrarit, Sebastian Vettel. Strategjia e përgatitur nga Ferrari në këtë garë ka dështuar totalisht, pavarësish avantazhit që kanë në motorin në krahasim me Mercedes.
BREAKING: @LewisHamilton wins the #SingaporeGP 🏁🏆🍾 to extend his championship lead over Sebastian Vettel to 40 points with 6 races to go! #F1 🇸🇬 pic.twitter.com/ngUgs14nJC
— Formula 1 (@F1) September 16, 2018
Gara nis me një aksident pas disa kthesave (Ocon përplaset me muret mbrojtëse) dhe në fushë hyn makina e sigurisë (kjo gjë ka ndodhur në të gjitha garat e zhvilluara në pistën e Singaporit), ndërkohë që Vettel arrin të parakalojë Verstappen.
Në krye është Hamilton, që nuk e ka të vështirë të ruajë kreun dhe situata është e qetë për rreth 15 xhiro, kur nisin ndalesat e para. Vettel hyn i pari e pas tij Hamilton e Verstappen, por ai që përfiton është piloti holandez i Red Bull, që kur del nga bokset lë pas gjermanin e Ferrarit dhe rimerr pozicionin që pat humbur në start.
Në Singapor u zhvillua një garë pa shumë emocione me Max Verstappen që e kaloi i dyti vijën e finishit. Valteri Bottas u rendit i katërti para Raikkonen dhe Ricciardos. 10-shen më të mirë e kompletojnë Alonso, Sainz, Leclerc dhe Hulkenberg.
