Presidenti i klubit të Tiranës, Refik Halili në një deklaratë ka dhënë një lajm të madh për klubin që drejton, duket se diçka e madhe po gatuhet tek bardheblutë. Në një prononcim për Supersport gjatë ceremonisë së fundvitit organizuar nga FSHF, Halili ka paralajmëruar ndryshime të mëdha te Tirana.
“Nuk ishte një vit i mirë për Tiranën, por uroj që në të ardhmen kjo do të ndryshojë. Uroj që ky të jetë viti i fundit me këto rezultatet dhe që në vitin e ardhshëm që të kemi ndryshime në skuadër dhe të ecim para. Qofshin të gjitha të këqijat me këtë vit dhe të ikin.”
LAJMI I BUJSHËM – “Them se viti i ardhshëm do të jetë më i mirë, pasi do të ketë shumë ndryshime sa u përket aksionarëve të rinj. Do ketë donator të ardhshëm dhe them se do të jenë nga njerëzit e biznesit më të mëdhenj në Shqipëri.
Shitje aksionesh? Na lini të flasim me njerëzit të cilët janë të interesuar të biznesit edhe që e njohin edhe sportin. Gjatë ditëve në vazhdim, nga fillim i viti mund të keni një përgjigje të saktë”.
