Gjatë ditëve të fundit janë hakuar rreth 50 milion llogari në Facebook. Hakerat kanë shfrytëzuar një hapësirë në kodin e rrjetit social, për të patur akses në rreth 50 milion llogari. Njoftimi në fjalë vjen nga Facebook, përmes një postimi në blog.
“Ky është një problem shumë serioz, dhe po merremi me të shumë seriozisht”, deklaroi shefi ekzekutiv Mark Zuckerberg.
Hakerat kanë përdorur opsionin “View As”, duke mundur të vjedhë rreth 50 milion “kode të hyrjes” në rrjetin social. Facebook njofton se i ka zëvendësuar 50 milion kodet dhe ka zëvendësuar gjithashtu 40 milion të tjera nga llogaritë që kanë përdorur opsionin “View As” gjatë vitit të fundit.
Zëvendësimi i kodeve nga Facebook kërkon që përdoruesit të vendosin edhe një herë të dhënat, për të hyrë në rrjetin social, edhe nëse janë të loguar.
Facebook njoftoi se ka vënë në dijeni për hakimin masiv edhe FBI-në.
