Bota e futbollit ashtu si është e bukur ka edhe ‘të metat’ e saj. Problemet me lojtarët janë të ndryshme dhe ndonjëherë kthehet në personale duke filluar me ‘hakmarrje. Në një situatë të tillë është gjendur edhe blerja më e re e Sevilla-s Munir El Haddadi.
Aktivizimi i tij me katalanasit mungonte prej kohësh dhe ai pretendon se kjo ka ardhur me urdhër nga drejtuesit e klubit, të cilët kanë urdhëruar trajnerin Ernesto Valverde të mos e aktivizonte atë. E gjithë kjo ka ndodhur pasi sulmuesi i tha se nuk donte të rinovonte kontratën.
Munir ka dalë nga akademia e Barça-s dhe është vlerësuar si një adoleshent me të ardhme të madhe, por e ka pasur të vështirë të fitonte një vend titullari tek ekipi i parë. Pasi bëri vetëm një paraqitje në fazën e parë të sezonit, Munir i ka transmetuar klubit dëshirën për t’u larguar kur t’i skadojë në fund të sezonit.
Megjithatë, Sevilla arriti ta blinte lojtarin me një çmim të ulët të premten dhe Munir është mirënjohës, teksa ka pretenduar se Valverde-s i është thënë të mos e aktivizonte.
“Kur u riktheva nga pushimet, në fillim të janarit, i thashë klubit se nuk doja të rinovoja,” shprehet ai për gazetarët në prezantimin te Sevilla. “Trajneri nuk është lejuar të më aktivizojë. Unë vazhdova punën time si gjithmonë dhe isha me fat që erdhe te Sevilla përpara qershorit.” Munir debutoi si zëvendësues në humbjes 2-0 ndaj Athletic Bilbao-s.
