Babai dhe djali, me ndihmë të teknologjisë kanë mundur të kryejnë disa vjedhje, dhe janë ndaluar natën e Krishtlindjes. Ata kishin shënjestruar arkën e një supermarketi në Anfuso në Ragusa, kur u zbuluan dhe arrestuan. Në pranga kanë rënë Gaetano 61-vjeç, dhe djali i tij Alfonso, 27-vjeç. Dy hajdutët u kapën mat nga policia, pasi kishin menduar se për shkak se ishte festave nuk do të zbuloheshin. Por në fakt nuk ndodhi kështu. Hajdutët si fillim kishin tentuar të hapnin derën, dhe pas një pushim të shkurtër ata sërish me anë të një çelësi enkas për atë punë mundën ta hapnin dhe morën nga arka e supermarketit 30 000 euro.
Pasi ata po largoheshin me shpejtësi, të dy hajdutët u ndaluan nga policia. Në shtëpinë e dy të arrestuar në San Giovanni Gemini, në zonë e Agrigento, u gjet një pajisje ku ata prodhonin çelësa multifunksionalë si dhe disa mikro-kamera, të përdorura ndoshta, sipas hetuesve, për të filmuar futjen e kodeve të sigurisë në kasaforta nga ana e të punësuarve. Babai dhe djali u dërguan në burgun e Raguzës.
Ndërsa pak ditë më parë një tjetër bandë është arrestuar ku anëtarë të saj ishin dy vëllezër shqiptarë. Ata kanë tentuar të vidhnin një maket në lagjen Boscopiano a Vittoria, ku nga kasaforta arritën të merrnin 10 mijë euro. Por me ndërhyrjen e policisë plani i tyre dështoi ku u vunë në pranga, Salvatore Dinicola, Giuseppe Ragusa, dhe vëllezërit shqiptar Hamit e Francesko Dogani.TIRANA TODAY
