Një biznesmen në Spanjë është vrarë në shtëpinë e tij luksoze në Boadilla del Monte, si dhe ka mbetur i plagosur djali i tij 14-vjeç. Nga hetimet thuhet se biznesmeni 40-vjeçar dhe djali i tij janë vranë në mënyrë makabre nga 4 shqiptarë.
Sipas medieve spanjolle, ata kishin hyrë në vilën e biznesmenit për të grabitur banesën, por më pas kanë kryer dhe krimin makabër duke vrarë biznesmenin dhe duke i thyer krahët djalit të tij adoleshent.
Burimet e rastit thanë për ABC se çdo gjë filloi pas mesnatës. Në atë kohë, në shtëpi ishin çifti, djali 14-vjeçar një fëmijë 1 vjeçar dhe shërbëtorja e shtëpisë. Familja e cila është sulmuar dhe dhunuar nga shqiptarët është me origjinë kineze dhe jeton në një vilë që kushton 2 milion euro.
Hajdutët arritën pranë shtëpisë, të vendosur në urbanizimin e Pino Sentinela, dhe thuhet se hynë në pjesën e prapme të shtëpisë, duke mbikëqyr rrugën M-516 (Boadilla-Majadahonda). Prej aty, ata u hodhën mbi gardh dhe hynë në shesh, ku ka një pishinë.
Për të hyrë në shtëpi, u detyruan të hynin nga dritaret e kuzhinës. Shtëpia ka një sistem alarmi, por pronarët nuk e kanë lënë atë të aktivizuar, duke pasur parasysh se ishin të sigurt.
Ngjarja e rëndë ka ndodhur mesnatën e së hënës dhe të martës. Djali , ka parë se babai i tij po sulmohej nga disa persona dhe ka tentuar të hyjë mes tyre, por ata e kanë thyer të dy krahët.
Policia ka shkuar në vendngjarje dhe ka marrë dëshminë e pjesëtarëve të tjerë të familjes të cilët janë terrorizuar nga ajo që kanë parë.
Pasi kanë vrarë biznesmenin dhe dhunuar të miturin 4 shqiptarët ka dalë nga dritaret e vilës, duke mos përdorur asnjë nga dyert e saj.
