Një takimi për integrimin evropian të vendeve të Ballkanit Perëndimor po mbahet në Bruksel.
Gjatë fjalës komisioneri Hahn është shprehur se “Shqipëria ka bërë progres në Reformën në Drejtësi”.
Ndërsa nga ana tjetër komisionari i BE-së ka thënë se: “Duam një marrëveshje mes Kosovës dhe Serbisë”.
Në takimin e nivelit të lartë në Bruksel mes komisionerit për zgjerimin Johannes Hahn, shefes së politikës së Jashtme, Federica Mogherini, raportusit për Shqipërinë në BE, Knut Fleckenstein dhe eurodeputëve Eduard Kukan e David McAllister, kanë dominuar mesazhet pozitive për implementimin e një prej reformave kyçe të Shqipërisë në rrugën e integrimit europian. Në tryezën e nivelit të lartë u diskutua për procesin e integrimit evropian të vendeve të Ballkanit Perëndimor.
“Shqipëria ka shënuar progres në përmbushjen e detyrimeve”, thekson raporti i Komitetit për Punët e Jashtme, me raportues Knut Fleckenstein.
