Gjykatësit e Kombeve të Bashkuara shpallën fajtorë dhe i dënuan me nga 12 vjet heqje lirie dy ish zyrtarë të lartë të policisë së fshehtë serbe për krime lufte dhe krime kundër njerëzimit.
Ish shefi i policisë së fshehtë të Serbisë, Jovica Stanishiç dhe zëvendësi i tij Franko Simatoviç, u shpallën fajtor për ndihmë dhe nxitje të krimit të vrasjes, si shkelje e ligjeve ose zakoneve të luftës dhe krim kundër njerëzimit, dhe krimet e dëbimit, transferimit me forcë dhe përndjekjes, si krime kundër njerëzimit, gjatë luftës së viteve të 90-ta në Kroaci dhe Bosnje.
Gjykata e Kombeve të Bashkuara për krime lufte i kishte shpallur të pafajshëm në maj të vitit 2013. Por gjykata e apelit me pas tha se ata ishin liruar gabimisht. Akuza i ngarkonte për për drejtimin e disa milicive më famëkeqe përfshirë grupet me emrin “Skorpionët” dhe “Tigrat e Arkanit”, të njohur për krime të shumta në ish Jugosllavi, përfshirë edhe Kosovën.
