Historiani Olsi Jazexhi deklaroi sonte se vitin që vjen do të ndahet Kosova, ndërsa shton se Shtetet e Bashkuara të Amerikës kanë humbur interesin për Shqipërinë.
I ftuar në “360 Gradë” në Ora News, Jazexhi theksoi se John Bolton dhe Donald Trump po u bëjnë presion udhëheqësve kosovarë që të pranojnë marrëveshjen me Serbinë dhe t’u japin komunat serbe përfshirë edhe Mitrovicën e Veriut.
Në këtë moment që po flasim, Hashim Thaçi nën diktatin e amerikanëve po detyrohet të bëjë marrëveshje me Serbinë. Për mua, në 2019-n, do të kemi ndarjen e Kosovës. John Bolton dhe Trump po u bëjnë presion udhëheqësve kosovarë që të pranojnë marrëveshjen me Serbinë dhe t’u japin komunat serbe përfshirë edhe Mitrovicën e Veriut.
Amerikan po humbet një luftë 17 vjeçare në Afganistan. Trump nuk e ka më prioritet ekspansionizmin amerikan nëpër botë dhe për rrjedhojë edhe çështjen shqiptare. Ne do të kemi një rënie të interesit amerikan ndaj shqiptarëve. Amerikanët nuk po sjellin ambasador në Shqipëri. Kjo tregon se ata kanë humbur interesit.
