Gjatë pjesëmarrjes në mbledhjet e pranverës së FMN-së dhe BB-së, guvernatori i Bankës së Shqipërisë, Gent Sejko, zhvilloi disa takime të rëndësishme me personalitete të njohura të fushës financiare ndërkombëtare.
Guvernatori Sejko theksoi se rritja ekonomike e vendit është në një trajektore pozitive zhvillimi.
Rritja ekonomike pritet të vijë në përmirësim dhe balancat kryesore ekonomike do të forcohen gjatë viteve të ardhshme.
Në lidhje me zhvillimet e fundit në ecurinë e çmimeve të konsumit, Sejko theksoi se ecuria e inflacionit në vlerat aktuale po kthehet gradualisht në nivelin e synuar.
Lidhur me sistemin bankar në vend, guvernatori Sejko nënvizoi se trajtimi i çështjes së kredive me probleme ka qenë një ndër angazhimet e Bankës së Shqipërisë, i shoqëruar me një plan veprimi të mirëmenduar për reduktimin e tyre.
Zbatimi i këtij plani ndihmoi në zbritjen e nivelit të kredive me probleme në rreth 18%.
