Tani mund të quhet fakt i kryer kalimi i Alexis Sanchez tek Manchester United. Pep Guardiola ka përgëzuar rivalët e qytetit, Manchester Unitedit për blerjen e tyre të re. Djajtë e kuq tani janë afër mbylljes së transferimit me reprezentuesin kilian.
Skuadra e Jose Mourinhos arriti të mposhtë konkurrencën e fortë të Manchester Cityt edhe pse Sanchez ka punuar tek Barcelona me teknikun katalan, Pep Guardiola. Megjithatë, Guardiola mban fjalët e njëjta për ish-yllin e tij të cilin e admiron dhe e cilëson si lojtar të madh, teksa nuk ka ngurruar të përgëzojë Unitedin për transferimin e tij.
“Unë nuk jam njeri i numrave”, ka thënë fillimisht Guardiola në konferencën për shtyp para ndeshjes,raporton Evening Standard. “Ajo që di tani është se Alexis është një lojtar i Arsenalit dhe unë mendoj se ai do të shkojë në United, kështu që uroj të dy palët të kenë sukses në këtë lëvizje. Mendimi im për Alexis mbetet i njëjtë, i uroj atij të gjithë të mirat”, përfundoi trajneri spanjoll i Cityt. Sanchez ka zhvilluar 166 ndeshje për Arsenalit në të gjitha garat duke regjistruar 80 gola dhe 46 asistime.
