Napoli nuk ka arritur të mposhtë Feyenoord-in në Holandë, madje është mposhtur edhe pse vendasit ishin me 10 lojtarë. Italianët kanë kaluar në avantazh që në minutën e dytë me Zielinskin por nuk kanë arritur ta mbrojnë deri në fundin e pjesës së par, pasi barazohen nga Jorgenssen. Në pjesën e dytë holandezët ndëshkohen edhe me karton të kuq, por morali i napolitanëve ishte i shkatërruar pasi Manchester City ishte duke u mposhtur nga Shaktar dhe shpresat për kualifikim kishin mbaruar. Kjo bën që në fundin e takimit Juste të shënojë të dytin për vendasit dhe të marrin fitoren e pikët e para në këtë edicion. Manchester City është mposhtur nga Shaktar Donetsk me rezultatin 2-. Vendasve u duheshe vetëm të mos humbnin që të kalonin fazën e grupeve, ndërsa City ishte me mendje tek derbi i fundjavës me Manchester United.
Porto siguron kualifikimin me goleadë ndaj Monacos. Padyshim skuadra franceze nuk është ajo e një viti më parë që surprizonte, pasi ka shitur të gjithë yjet e skuadrës. Performancë shumë e dobët e Monaco që e mbyll fazën e grupeve në endin e fundit vetëm me dy barazime. Ndërsa Besiktas konfirmohet si kokë grupi duke mposhtur gjermanët e Leipzig në shtëpi me rezultatin e ngushtë 2-1. Performancë e jashtëzakonshme e turqëve që nuk humbin asnjë ndeshje në këtë fazë grupesh.
Reali i Madrid ka mposhtur sërish Dortmundin edhe pse me shumë vështirësi, në fundin e takimit ishin mdrilenët që festonin. 3-1 përfundoi takimi në “Bernabeu” me gola të shëmuar nga Mayoral, Ronaldo dhe Lucas, ndërsa për miqtë shënoi dy herë sulmuesi nga Gaboni, Aubumeyang. Një natë e veçantë për yllin portugez i cili bëhet lojtari i parë në historinë e Champions League që shënon në të gjashta takimet e fazës së grupeve, po ashtu barazon Messin me 60 gola në këtë fazë. Edhe Tottenham ka mposhtur me lehtësi APOEL-in me rezultatin 3-0, ku Pochettino kishte hedhur në fushë një pjesë të mirë të rezervave. Anglezët konfirmohen kokë e grupit, ndërsa të dytët anë madrilenët. Dortmund mbetet në zonën e Europa League edhe pse barazim me pikë me qipriotët e APOEL.
Liverpool ka shkatërruar rusët e Spartak në “Anfield” me rezultatin 7-0, për të siguruar edhe vendin e parë në grup. Ndeshja nuk ka pasur shumë histori, pasi Coutinho ka zhbllokuar sfidën që në minutën e katërt nga pika e bardhë e penalltisë. Ndërsa në të 15’ është sërish braziliani që dyfishon rezultatin, ndërsa 4’ minuta më vonë është Firmino që ka shkundur rrjetën për të tretën herë. Pjesa e dytë është sërish në ritme të jashtëzakonshme ku Mane shënon dy minuta pasi ka rifilluar loja, ndërsa në të 50-ën Coutinho ka kompletuar tregolëshin e tij në një natë fantastike. Nuk mbyllet me kaq pasi Surridge i sapo hedhur në lojë ka dhënë një asist perfekt për Mane i cili e çon në 6 numrin e golave. Në fund nuk mund të mungonte edhe goli i yllit egjiptian Salah, për të shkatërruar Spartakun.
