Të dielën më 1 tetor në Katalonjë do të mbahet referendumi për pavarësinë e këtij rajoni dhe kurrsesi nuk mund të mungonte një koment i Pep Guardiolës për këtë ngjarje historike të vendlindjes së tij. Trajneri i Manchester City para supersfidës me Chelsea-n të shtunën në konferencë për shty është shprehur:
“Do të ishte një rezultat i mirë nëse do të ishim në gjendje të votonim, siç tha Pique dje”, u shpreh Guardiola.
“Nëse njerëzit mund të shprehin paqësisht dhe me liri, shpresojmë se do të jetë një festë e demokracisë”, ka deklaruar ish-trajneri i Barcelonës.
Guardiola është i lindur në Santpedor të Katalonjës, ndërsa mes viteve 1995-2005 kishte veshur edhe fanellën e kësaj përfaqësueseje, e cila nuk është e njohur nga FIFA dhe UEFA.
